Detaje të reja janë hedhur në dritë lidhur me arrestimin e pronarit të lokalit në zonën e Ish-Bllokut. Në një lidhje direkte për “News 24”, gazetarja Klodiana Lala ka zbuluar detaje sa i takon akuzës së ngritur ndaj Redi Popescut. Gazetarja tha se Popescu disponon dy armë me leje. Një armë gjahu dhe një pistoletë, ndërsa ndalimi i tij është bërë pasi refuzon të dorëzojë armën tip pistoletë të cilën e ka me leje.
“Popescu disponon dy armë me leje, një pistoletë dhe një armë gjahu.
Ka refuzuar të dorëzojë armën pistoletë, të cilën e mban me leje.
Në momentin që ai do të dorëzojë pistoletën, ajo do t’i nënshtrohet analizës balistike.
Fakti që ai ka refuzuar ta dorëzojë pistoletën, ka bërë që ndaj tij të ngrihet akuza e pengimit të zbardhjes së të vërtetës”, tha ndër të tjera ajo.
Popescu u arrestua mbrëmjen e djeshme, rreth orës 23:00. Ai u prangos me vendim të Gjykatës, pasi dyshohet të ketë prishur provat dhe të ketë fshehur një armë, duke penguar zbardhjen e së vërtetës. Si dhe ka dhënë dëshmi të rreme.
Deklarata e policisë
Arrestohet një tjetër shtetas në lidhje me ngjarjen e ndodhur në një lokal në mbrëmjen e 04.10.2018, ku mbeti i vrarë me armë zjarri shtetasi F. G., dhe u plagosën shtetasit E. H., dhe E. M.
Specialistët për Hetimin e Krimeve të Rënda ndaj Jetës dhe Pronës, arrestuan për veprën penale “Veprime që pengojnë zbulimin e të vërtetës”, shtetasin Redi Popescu, 40 vjeç, banues në Tiranë.
Materialet iu referuan Prokurorisë së Rrethit Gjyqësor Tiranë, në ngarkim të shtetasit të lartpërmendur, për veprën penale “Veprime që pengojnë zbulimin e së vërtetës”.
https://tiranatoday.com/zbardhet-e-verteta-tronditese-per-ngjarjen-ne-bllok-drejtues-te-policise-po-manipulojne-provat/
