Presidenti Ilir Meta zhvilloi ditën e sotme një takim me Kancelaren e Austrisë Brigitte Bierlein. Në kuadër të pjesëmarrjes në punimet e Forumit të Parisit për Paqen.
Kreu i shtetit, përmes një postimi në “Facebook”, shkruan se ndanë të njëjtin mendim lidhur me marrëdhëniet tradicionale historike dhe shumë miqësore mes dy vendeve. Ndërsa theksoi se diskutuan për nevojën e forcimit dhe intensifikimit të mëtejshëm të tyre në të ardhmen.
“Bisedë e hapur dhe e frytshme me Kancelaren e Austrisë, znj. Brigitte Bierlein.
Ndamë vlerësimin mbi domosdoshmërinë e forcimit më tej të marrëdhëniet tradicionale historike dhe të shkëlqyera midis dy vendeve e popujve tanë, veçanërisht për të rritur investimet austriake në Shqipëri.
Mirënjohje për mbështetjen gjithmonë të vendosur e pa rezerva të Austrisë për procesin e integrimit në Bashkimin Europian të Shqipërisë, dhe së ardhmes europiane të rajonit”, shkruan Meta.
