Miratohet lista me 660 familje që janë prekur nga tërmeti që goditi vendin në 26 nëntor. Këshilli Bashkiak i Durrësit ka marrë vendimin që këto familje të përfitojnë subvencionim qiraje.
Në këtë mbledhje u votua në mënyrë unanime bonusi i qirasë për 660 familjet e para që kanë aplikuar pranë Bashkisë së Durrësit, pas dëmtimit të banesave.
Mësohet se vlera e pagesës së qirasë mujore do të jetë në varësi të madhësisë së përbërjes së familjes.
Vendimi është marrë në mbledhjen urgjente të Këshillit, që kishte vetëm një pikë në rendin e ditës: miratimin e listës paraprake të familjeve të prekura nga tërmeti, të cilat do të përfitojnë nga subvencionimi i qirasë.
