Dua Lipa dhe Rita Ora nuk shkojnë aspak mirë, madje në eventet muzikore ato e kanë shmangur shpesh njëra-tjetrën. Por, s’mund të thuhet e njëjta gjë për Bebe Rexha. Kjo e fundit, ka një marrëdhënie të mirë me të dyja këngëtaret shqiptare.
Fillimisht, Beben e kemi parë në evente në praninë e Rita Orës, duke treguar se kanë një miqësi të ngushtë me njëra-tjetrën. Ndërsa, së fundmi, ajo është parë pranë Dua Lipës, e cila ka arritur majat në tregun e muzikës.
Të dyja këngëtaret janë shfaqur bashkë në Kanë të Francës, të pranishme në ceremoninë e ndarjes së çmimeve të “NRJ Hit Music Only”, ku nuk munguan as fotot e tyre.
Bebe postoi një foto ku shfaqej së bashku me Duan dhe fansat e Ritës “shpërthyen” menjëherë me akuza ndaj këngëtares. Ata i thoshin se po zëvendëson Orën me Lipën.
Por sigurisht që Bebe ka një përgjigje për të gjithë ata që mendojnë kështu: “JO! Mos e nisni këtë. Rita është gjithashtu shoqja ime”.
