Ministrja e teknike e Financave, Helga Vukaj gjatë një takimi në Dhomën e Tregtisë dhe Industrisë-Tiranë, Bashkimin e Prodhuesve Shqiptarë si dhe me përfaqësues të shoqatave të tjera të biznesit në vend, ndër të tjera foli edhe për barrierat doganore me të cilat po përballet biznesi.
Në takim ndër të tjera u diskutua edhe për disa prej problemeve më të rëndësishme me të cilat përballet sot komuniteti i biznesit në Shqipëri, si barrierat doganore.
Ministrja Vukaj shprehu keqardhjen për kontrollin e të gjitha ngarkesave në eksport nga ana e autoriteteve doganore. Ajo theksoi se “kjo procedurë nuk është në përputhje me standardet evropiane të kontrollit në kufi dhe se ka pasoja të konsiderueshme negative në veprimtarinë e biznesit. Por kjo situatë kontrolli në kufi do të vijojë për sa kohë që lufta kundër trafikimit të drogës në vend nuk do të njohë rezultate të tjera”.
Gjithashtu ajo flet qartë si përfaqësuese e opozitës kur thotë se, “qeveria që do të dalë pas zgjedhjeve të 25 qershorit, do të përballet me gjithë forcën e ligjit me fenomenin e trafikimit të drogës duke e eleminuar atë dhe do të mundësojë kthimin në standarde evropiane të kontrollit në doganë, bazuar në kritere selektiviteti dhe analize rrisku”.
