Ministrit të Rinisë dhe Sporteve në Serbi, Petar Petkoviq, i kanë refuzuar kërkesën për hyrje në Kosovë. Ky refuzim nga ana e autoriteteve në Kosovë, është bërë vetë publike nga ana e Petkoviq.
Nga mediat serbe bëhet me dije se institucionet e Kosovës kanë dërguar mbrëmë një njoftim, se i ndalohet hyrja ministrit Petkoviq në Kosovë.
Petkoviq kishte bërë kërkesë për të ardhur në Kosovë, në mënyrë që të bisedonte me disa të rinj, të cilëve do t’u shpërndante bursa studentore. Po ashtu ai kishte planifikuar të vizitonte edhe Qendrën për Ekologji dhe Zhvillim Sportiv në Zubin Potok.
