Një ditë para protestës së opozitës ministri i Brendshëm Fatmir Xhafaj e ka ftuar në një sfidë kreun e PD-së Lulzim Basha.
Opazita do të dalë në protestë dhe do të kërkojë dorëheqjen e ministrit të Brendshëm, pas publikimit të audiopërgjimit ku thuhet se vëllai i tij flet me trafikantë.
Ministri ka reaguar sot ku deklaron se nëse rezulton se audiopërgjimi është i vërtetë, do të japë dorëheqjen, në të kundërt duhet të largohet kryetari i PD-së Lulzim Basha.
Në reagimin e tij në Twitter Xhafaj theksoi se ‘ai që nuk është në anën e të vërtetës, duhet të përgjigjet’.
REAGIMI I XHAFAJT
“E vërteta është vetëm një, dhe vetëm një në këtë rast. Ai që nuk është në anën e të vërtetës, duhet të përgjigjet. Këtë e kërkon interesi i ligjshëm i qytetarëve. #Drejtësiderinëfund
Nëse provohet e kundërta, atëherë duhet që Lulëzim Basha të dorëhiqet dhe të përballet me ligjin. Pyeteni: A është ai i gatshëm për këtë sfidë?
Bashkëqytetarëve të thirrur në protestë, u them sot: Nëse audio përgjimi i bërë publik nga PD, do të rezultojë i vërtetë, unë do të marr çdo përgjegjësi morale, politike e ligjore, përfshi dhe largimin nga funksioni i Ministrit të Brendshëm. Jam i gatshëm ta bëj këtë pa hezitim”.
