Ministri i Jashtëm grek, Nikos Dendias po zhvillon një vizitë zyrtare në Tiranë.
Pas përfundimit të takmit me kryeministrin Edi Rama, Dendias tha në konferencën për shtyp, se ndër të tjera është diskutuar edhe për ligjin e luftës midis dy vendeve.
Dendias siguroi se kjo çështje do të zgjidhet me urdhër të kryeministrit të Greqisë, Kyriakos Mitsotakis.
Nikos Dendias: ”Kemi referuar çështjen e ligjit të luftës. Kjo gjë është një anakronizëm. Jam i sigurt që edhe çështjen e ligjit të luftës do ta zgjidhim së bashku. Është gëzim i madh për mua që kam mundësinë ta them këtë gjë këtu nga Tirana, në opinionin publik shqiptar, me urdhër të kryeministrit Mitsotakis.
Nuk duhet të humbasim kohë dhe unë mendoj se kemi arritur shumë gjëra në marrëdhëniet tona dhe për ne mbetet që të shkojmë më përpara. Pashë me gëzim perspektivën, madje progresin, që Shqipëria ka bërë për problematikat që lidhen me minoritetin grek. Të gjitha këto i japin mundësi që të kalojë në axhendën tonë pozitive”.
Pas Ramës, Dendias pritet që të ketë takime dhe me presidentin e vendit Ilir Meta, si dhe me kreun e opozitës Lulzim Basha, por edhe përfaqësues të minoritetit grek në Shqipëri.
