Në gazetën gjermane Frankfurter Allgemeine Sonntagszeitung është publikuar një intervistë e ministrit të Jashtëm gjerman, Sigmar Gabriel. Ai ka thënë se shkëputja e marrëdhënieve midis Katarit dhe vendeve tjera arabe mund të çojë në luftë. Por ai ka shtuar se ende ka mundësi për të zbutur tensionin.
“Ka një rrezik që kjo mosmarrëveshje të çojë në luftë“, i ka thënë Gabriel gazetës, transmeton Reuters.
Gazeta e ka cituar ministrin, i cili e ka konsideruar situatën, si një ashpërsi “dramatike” në marrëdhëniet midis vendeve aleate dhe vendeve fqinje në Gjirin Persik.
Gabriel ka shtuar, se u ka shprehur shqetësimet e tij, përmes bisedave personale homologëve nga Arabia Saudite, Katari dhe Turqia, si dhe përmes bisedave telefonike, ministrave të jashtëm të Kuvajtit dhe Iranit.
“Pas zhvillimit të disa bisedave këtë javë, e di se sa serioze është situata, por besoj se ka ende ka shanse të mira për t’i rregulluar marrëdhëniet “, tha Gabriel.
