Kryeministri Edi Rama vetëm një ditë më parë bëri ndryshime në qeverinë e tij duke shkarkuar 7 ministra. Në mesin e të larguarve ishte dhe ministri i Jashtëm Ditmir Bushati.
Në krye të diplomacisë shqiptare Rama vendosi Gent Cakajn, një i ri që vjen nga Kosova. Ne media u përfol shumë emri i tij për shkak të një video të shpërndarë në rrjetet sociale ku Gent Cakaj flet keq gjuhën angleze. Në videon e shpërndarë, Cakaj është në postin e zëvendësministrit të Jashtëm të Shqipërisë.
Rama ka zgjedhur që të vendos Gent Cakajn si kryediplomatin e Shqipërisë ndoshta i ndikuar sepse është djali Shkelzen Cakaj, shkencëtarit mendjendritur shqiptar.
Po cili është shkencëtari Cakaj që ka bërë emër dhe jashtë Kosovës. Shkelzen Cakaj është profesori i vetëm shqiptar që ka doktoruar në fushën e komunikimeve satelitore. Ai ka kryer studimet në Fakultetin Teknik në Universitetin e Prishtinës, ka përgatitur punimin e magjistraturës pranë Institutit të Komunikimeve dhe Inxhinierimit të Radio-frekuencave pranë Universitetit Teknik të Vjenës dhe doktoraturën në Universitetin e Zagrebit.
Si përfitues i donacionit Fulbright, Cakaj ka kryer edhe hulumtimet e postdoktoraturës në Administratën Kombëtare Oqeanike dhe Atmosferike (National Oceanic and Atmospheric Administration – NOAA) në SHBA. Në NOAA, që është simotër e NASA-s, ai ka kryer hulumtime në lidhje me aplikimin e satelitëve në kërkim-shpëtim në rast të fatkeqësive të ndryshme ajrore dhe detare.
Ai në CV-në e tij ka 60 punime në revista dhe konferenca shkencore, është i cituar nga shumë autorë ndërkombëtarë dhe ka qenë vlerësues i punimeve në fushën e sistemeve satelitore për konferenca dhe revista ndërkombëtare, duke përfshirë këtu edhe ato të Institutit të Inxhinierëve Elektrikë dhe Elektronikë (Institute of Electrical and Electronics Engineers IEEE), si institucioni më i njohur botëror në fushën e publikime nga lëmia e elektroteknikës.
“Publikimet e mia janë të realizuara me bashkautorë nga Universiteti i Prishtinës, Universiteti Politeknik i Tiranës, Universiteti i Zagrebit, Universiteti Teknik i Vjenës dhe me ata të NOAA-së të SHBA-së”, thotë Cakaj.
Me sa duket Rama ka vendosur t’i japë një shans të madh Gent Cakajt duke parë arritjet dhe meritat e të atit. Tani mbetet vetëm që Genti të tregojë se është në vendin dhe kohën e duhur.
