Ministri i Brendshëm Horst Seehofer ka paralajmëruar se do të ndërmerren masa konkrete lidhur me shtimin e sasisë së armëve ilegale të ekstremistëve të djathtë në Gjermani, ndërsa e ka cilësuar këtë situatë alarmante.
“Ekstremizmi i djathtë është një rrezik i madh për shoqërinë e lirë”, nënvizoi Seehofer, raportoi Deutsche Welle. Zoti Seehofer theksoi se është i vendosur “për forcimin e strukturave të shtetit dhe ofrimin e bazës ligjore, në luftën kundër kësaj dukurie”.
Stacioni televiziv “ARD” thekson mes të tjerash se ka paralajmëruar më herët shtimin e dukshëm të numrit të armëve të kapura në krahun e djathtë politik.
Në vitin 2018 janë regjistruar 563 vepra penale të kryera nga krahu i djathtë politik. Policia ka konfiskuar 1091 armë, ndër to edhe armë të gjata, armë lufte, mjete shpërthyese… Një vit më parë janë kapur në vepra të ngjashme penale 676 armë.
