Endrit Shala, ministër i Tregtisë dhe Industrisë ka goditur fizikisht gazetarin e “Indeksonline”, Ensar Ramadani.
“Indeksonline” raporton se teksa gazetari ishte gjatë orarit të punës, Endrit Shala e ka goditur në fytyrë pa asnjë arsye.
“Ensar Ramadani po përcillte nga afër në QKUK gjendjen e zyrtarit tjetër të Nismës, Luan Malokut. Aty ka ardhur Endrit Shala i cili i ka kërkuar telefonin gazetarit Ramadani. Duke e ditur që ministri Shala nuk është polic, gazetari jonë nuk i ka dhënë telefonin atij, ai e ka sulmuar fizikisht duke e goditur në fytyrë”, raporton portali në fjalë.
