Në një dalje para mediave, ministri Bledi Çuçi, në cilësinë e ministrit drejtues të operacionit të emergjencës ka dhënë detaje të tjera pasojat e tërmetit të 26 nëntorit.
Ndër të tjera, Çuçi ka deklaruar se janë strehuar përkohësisht 13.294 qytetarë të prekur nga tërmeti.
Sipas tij, 4149 janë akomoduar në hotele, 7383 në çadra, 395 në qendra sociale dhe 254 të tjerë në palestra. Ndërsa pjesa tjetër, mbi 1000 persona kanë gjetur strehim në qytete të vendit dhe në Kosovë.
Ndërsa për inspektimet e bëra ai tha: Janë inspektuar 14 069 objekte, 261 pallate dëmtuar rëndë të shpallur të pabanueshme. Ndërsa, 2237 banesa të pabanueshme. Janë 851 pallate me dëme të mesme e të lehtë dhe 4618 banesa me dëmtime të mesme e lehta.
Me rrezikshmëri shumë të lartë, 44 objekte janë shembur deri më sot. “Shembja vetëm pasi janë fiksuar provat nga policia gjyqësore dhe prokuroria”, theksoi Çuçi.
Për të pastrehët, Ministri Çuçi tha se: Qeveria do t’u ofrojë bonusin e qirasë për të pastrehët deri në maj të vitit 2021”
