PD ka reaguar menjëherë për dhunën e ushtruar nga mbështetës të Sali Berishës ndaj sekretarit të partisë, Roland Bejko. Kampi i mbështetësve të Berishës kanë thënë se protesta do të jetë paqësore, ndonëse është reflektuar një situatë tjetër. Nëpërmjet një reagimi, PD e konsideron sulmin të papranueshëm, teksa thuhet se kjo është fytyra e vërtetë e Berishës që frymëzon dhunë.
Deklarata e plotë:
Dhuna e mercenarëve të Sali Berishës ndaj anëtarit të Kryesisë qendrore të PD Roland Bejko, është fytyra e Sali Berishës, që frymëzon dhunë, ushtron dhunë dhe pengon një sekretar të PD të vijë në seli në një mbledhje pune.
E papranueshme që dhunohet një demokrat i orëve të para, nje demokrat i ndershëm me kontribute 30 vjeçare në këtë parti.
Roland Bejko u dhunua sot vetëm se mendon ndryshe nga Sali Berisha, vetëm se nuk i shërben interesit të Sali Berishës, vetëm se ka vendosur ti shërbejë interesit të demokratëve dhe PD.
