Një gabim teknik ka zbukuruar jetën e një zvicerani, por vetëm për pak sekonda. Andreas Bürkli fitoi lotarinë e ëndrrave dhe për pak kohë kishte në llogarinë e tij 1 milionë dollarë. Por më pas gjithçka u raportua si një gabim teknik nga televizioni zviceran dhe situata u bë kaotike.
Emri i Andreas Bürkli u thirr si fitues nga këngëtari gjerman Herbert Grönemeyer, pasi ishte pikërisht emri i tij që u tërhoq nga kutia. Por më pas kanali televiziv zviceran SRF kërkoi falje, duke shpjeguar se një gabim ishte bërë për shkak të problemeve teknike.
Blick ka publikuar momentin kur këngëtari gjerman ka kapur emrin e Burkli në emisionin “Happy Day” dhe aty pranë ndodheshe edhe një valixhe me para.
https://twitter.com/Blickch/status/1076625584984375296
Në një deklaratë të mëvonshme, një zyrtar i Swisslos kërkoi falje dhe tha se lotaria do të hidhej edhe njëherë për shkak të problemeve teknike dhe se në kuti kishte emra shtesë, pasi duhet të ishin 10 dhe ishin 11. Zyrtari theksoi se sipas rregullave fituesi nuk ishte i pranueshëm, sepse ai nuk e kishte kapur telefonin e tij.
I pyetur se si e kishte pritur zoti Bürkli momentin kur fitoi lotarinë, zyrtari i Swisslos tha se e kishte marrë shumë mirë: “Mund të thuash se ai e mori me mjaft sportivitet”. Një shorte i ri do të hidhej dhe fituesi do të shpallet pas Krishtlindjeve. TIRANA TODAY
