Milani është rikthyer, kuqezinjtë kanë marrë një fitore me mjaft lehtësi, por mjaft të rëndësishme përballë Chievos. Pas fitores së thellë 4-1 ndaj Sassuolos duket se besimi është rikthyer tek djemtë e Gattusos dhe shkatërrojnë edhe Chievon me rezultatin 3-1. Gonzalo Higuain bëri diferencën në pjesën e parë duke shënuar dy gola në harkun e tetë minutave gjatë pjesës së parë.
Të dy golat e argjentinasit erdhën nga pasimet e Suso. Më saktësisht, nga këmbët e Suso kanë ardhur të tre asiste e golave të firmosur nga Higuain.
Në minutën e dhjetë të pjesës së dytë, Bonaventura, në ndeshjen e tij numër 150 me Milan, shënoi golin e tretë për vendasit. Chievo e ngushtoi diferencën, kur u mbush një orë lojë me anë të 39-vjeçarit Sergio Pellissier. Problemi më i madh i Milanit deri tani është se në të gjitha ndeshjet ka pësuar gol, në asnjë ndeshje nuk ka arritur ta ruaj portën e paprekur.
Ndërkohë, Lazio ka fituar 1-0 ndaj Fiorentina, me golin e shënuar nga Ciro Immobile dhe ngjitet përkohësisht në vendin e dytë me 15 pikë, por plot 9 pikë larg Juventus kryesues. Sampdoria fitoi 1-0 në fushën e Atalanta.
