Ish-zonja e Parë e SHBA, Michelle Obama, ka pranuar se ka pasur momente ku ajo donte ta hidhte bashkëshortin Barack nga dritarja.
Gjatë podcastit të saj, ajo theksoi se pavarësisht uljeve dhe ngritjeve, të dy kanë një martesë shumë të qëndrueshme.
Në këshillën e saj për ciftet e reja, Michelle tha se komunikimi ekskluziv përmes rrjeteve sociale nuk është rruga për një marrëdhënie afatgjatë.
“Unë u martova me versionin tim të LeBron. Nëse e shikojmë martesën si një ekip, ju doni që shoku juaj i skuadrës të jetë fituesi. Ju dëshironi LeBron, ju e dini. Kishte momente kur unë doja që Barack-un ta hidhja nga dritarja, dhe unë e them këtë sepse ju duhet ta dini, pasi emocionet do të jenë të forta.. Por kjo nuk do të thotë që ju duhet të hiqni dorë. Dhe ato periudha mund të zgjasin shumë. Ato mund të zgjasin me vite”, tha Michelle.
Ajo shkroi në llogarinë e saj në Instagram të dielën se martesa “kërkon shumë punë, ndershmëri si me veten ashtu edhe me partnerin”.
