Ish-kryetari i bashkisë së New York, Michael Bloomberg ka njoftuar sot tërheqjen e tij nga gara për kandidat demokrat, në zgjedhjet presidenciale të SHBA-së.
Përmes një postimi në Twitter, Bloomberg u shpreh se e vetmja arsye që ai u fut në zgjedhje ishte që të mposhte Trump. Ndërkohë, ai theksoi se do të mbështeste në garë ish-presidentin Joe Biden.
“Unë hyra në garë tre muaj më parë për të mposhtur Trump. Unë po e lë garën sot për të njëjtën arsye. Pas votimit të djeshëm, është e qartë se ky kandidat është miku im Joe Biden”, tha ai.
Vendimi për t’u tërhequr erdhi pas disfatës së madhe që ai pësoi në garën për kandidat demokrat. Rezultatet që u bënë publike të martën se Joe Biden kryesonte bindshëm. Sipas mediave amerikane, Bloomberg ka harxhuar më shumë se gjysmë miliard dollarë në fushatën e nominimit demokratik.
