Në një kohë kur mosdrektimi i Sandër Lleshit në postin e Ministrit të Brendshëm ka sjellë ‘përplasje’ mes Presidencës dhe Kryeministrisë, vjen një reagim nga Ilir Meta. Mjaft i drejtëpërdrejtë në qëndrimin e tij, ai u ka bërë thirrje “amatorëve” që nuk e dinë mirë Kushtetutën, ta rilexojnë edhe një herë, për të kuptuar rolin dhe kompetencat që ka Presidenti.
I pyetur nëse ka ndonjë arsye konkrete për mosdekretimin e Sandër Llleshit, presidenti Meta kërkoj që ta lenë të bëj detyrën e tij.
“Sa i takon anës ligjore, pa dashur të jap leksione për Kushtetutën, të gjithë amatorëve do ti ftoja të lexojnë edhe një herë Kushtetutën për kompetencat e presidentit.
Për ata që mendojnë se presidenti ka detyrë vetëm të firmosë për këtë rast, kam një pyetje: A mund Parlamenti të rrëzojë dekretin e presidentit për një ministër se dhe kjo nuk është e shprehur në Kushtetutë?!
Më lini të bëj detyrën time si gjithmonë”.
