Dy ditë pas zgjedhjes së Ilir Metës President, është mbledhur Komiteti Drejtues Kombëtar i Lëvizjes Socialiste për Integrim.
Mësohet se Meta ka dorëzuar funksionet drejtuese në parti, ndërsa u vendos që javën e ardhshme të zgjidhet, nga Konventa Kombëtare, kryetari i LSI-së dhe zv/kryetari i parë i LSI-së.
Gjithashtu, mësohet se Konventa do të votojë dy emra për kupolën drejtues të LSI-së: Petrit Vasili do votohet për kryetar në vend të Ilir Metës, ndërsa Monika Kryemadhi do të garojë për postin e zv/kryetarit të parë të LSI, post që do jetë numri dy në LSI.
Zonja Kryemadhi e pranoi që nuk do të qëndrojë në kornizat e “Zonjës së Parë”, ndërsa në mbledhjen e KDK-së është vendosur se kush dëshiron të konkurrojë për numrin dy në LSI duhet të paraqesë kandidaturën deri ditën e martë.
