Presidenti i Republikës, Ilir Meta, ka kujtuar me nostalgji shtëpinë në Çepan të Skraparit, aty ku ka lindur.
Në ditën e tij të lindjes, Meta shprehet se shtëpia ku lindi u dogj dy herë nga pushtuesit por u rindërtua më e madhe.
Meta tha se 25 prillit do ta rindërtojë për herë të tretë së bashku me kushërinjtë e tij, në derim të partizanëve të plagosur që ajo shtëpi i mirëpriti si një spital lufte.
”Sot, në ditën e lindjes time kujtoj me nostalgji shtëpinë e gjyshit të madh, në Çepan të Skraparit, ku u linda më 24 mars 1969. Krenar, që linda në një shtëpi, që u dogj dy herë nga pushtuesit dhe u rindërtua më e madhe.
Pas 25 prillit, më duhet ta rindërtoj për herë të tretë, së bashku me kushërinjtë e mi edhe në nderim të dhjetëra partizanëve të plagosur, të cilët kjo shtëpi i mirëpriti si Spital Partizan gjatë “Operacionit të Dimrit”. MALET TONA MË TË LARTA!’’, shkruan Meta në rrjetin social, Facebook.
