Zv.ministri i Mbrojtjes Petro Koçi i ftuar në emisionin ‘Arena’, ka komentuar deklaratat që Presidentit Meta ka bërë ditën e sotme, i cili deklaroi për hir të zgjidhjes së krizës politike është i gatshëm jo vetëm të dorëzoj mandatin, por dhe të sakrifikohet.
Sipas Petro Koçit, gjuha që Meta përdori sot ishte e ekzagjeruar.
“Gjuha e Metës ishte e ekzagjeruar. Ishte jashtë mundësisë për të argumentuar, dhe justifikuar, nuk besoj se ka mundësi ta justifikojë atë teori. Nëse flasim për Allende dhe gjejmë Pinoçientin, ju e dini cili është ai historiku i skenës politike shqiptare, është Berisha që vrau 4 Alliende me 21 janar. Është e ekzagjeruar, dhe me ketë qëndrim Meta e ka të pamundur që të dale mbi palët, sepse është duke u bërë palë me opozitës, perveç faktit që është në konflikt interesi, sepse është President, dhe gruaja e tij është kryetare e një partie të konsidetrueshme në peshë në vend”, tha Koçi.
