Kreu i Shtetit Ilir Meta ka zhvilluar një takim me Presidenten e Republikës së Estonisë Kersti Kaljulaid. Zoti Meta shkruan në Facebook se me Presidenten e Estonisë ndanë të njëjtat vizione për sfidat e sigurisë evropiane.
Postimi i plotë i Metës: “I lumtur të pritem në një vizitë zyrtare nga Presidentja e Republikës së Estonisë, Sh.S.Znj Kersti Kaljulaid, Kryetare e një shteti mik dhe aleat në NATO. E falënderova për ftesën dhe mikpritjen e ngrohtë. Ndamë të njëjtat vizione për sfidat e sigurisë evropiane, proceset e integrimit euroatlantik dhe intensifikimin e bashkëpunimit dypalësh në të gjitha fushat me interes reciprok. Vlerësova interesin e Presidentes për rajonin tonë dhe mbështetjen e vazhdueshme për Kosovën. E ftova për të vizituar Shqipërinë, ftesë që e priti me kënaqësi. Forcim të marrëdhënieve mes dy vendeve tona, për një të ardhme të ndritur”.
