Presidenti Ilir Meta ka takuar këtë të martë homologun e tij turk, Recep Tayyip Erdoğan.
Nëpërmjet një postimi në “Facebook”, Meta shprehet mirënjohës për peshën e jashtëzakonshme që Turqia mban për të mbrojtur Ballkanin, ndërsa theksoi më tej se u diskutua mbi marrëdhëniet e shkëlqyera mes dy vendeve.
“Kënaqësi të takoja sot në Sarajevë, Presidentin e Turqisë, z.Recep Tayyip Erdoğan. Marrëdhëniet tona të shkëlqyera tradicionale kanë një të ardhme mjaft premtuese.
Mirënjohës për peshën e jashtëzakonshme që Turqia mban për të mbrojtur Ballkanin dhe Evropën nga emigracioni i paligjshëm”, shkruan Meta.
