Ilir Meta ka shpërthyer me tone të ashpra ndaj Kryetares së Parlamentit, Lindita Nikolla, pasi ajo mblodhi kryetarët e grupeve parlamentare dhe atë nuk e vuri në dijeni. Meta e cilësoi si “pulë të Kuvendit”, dhe i përmendi mesataren që u publikua dy vite më parë, kur mbante postin e Ministres së Arsimit.
“Nuk kam pasur asnjë komunikim. A kanë personalitet këta njerëz apo jo? Por derisa del ajo pula e Kuvendit dhe u thotë shqiptarëve në do të zbulojmë I.M., po ça do të presësh nga ajo me mesatare 5 e ca. E mbani mend kur e nxorën studentët? E këputën edhe këtë të gjatin, por ua sabotoi Lulushi”, tha Meta.
Kryetarja e Kuvendit, Lindita Nikolla, tha pak më herët se është informuar nga Autoriteti për Informim mbi Dosjet e Sigurimit të Shtetit, për rastin e një politikani të lartë me iniciale I.M., që ka rezultuar i përfshirë në aktivitetin e Sigurimit të Shtetit në kohën e komunizmit. Sipas saj, ky rast është tronditës dhe Kuvendi duhet që të reagojë patjetër.
