Presidenti Ilir Meta i është shmangur dy pyetjeve “me spec” për kryepeshkopin Anastas Janullatos . Në një intervistës për emisionin ‘Opinion’, Meta ka preferuar ti shmanget dhe mos ti japë përgjigje dy nga pyetjeve të gazetarit Blendi Fevziu.
Gjatë intervistës në ‘Opinion’, Meta është pyetur nga Blendi Fevziu se përse në gjithë këto vite kryepeshkopi Anastas Janullatos nuk ka mbajtur një meshë përshpirtje për shqiptarët ortodoksë çamë të masakruar gjatë Luftës së Dytë Botërore në Greqi.
Presidenti është shprehur se kjo nuk është një pyetje për atë, por i duhet drejtuar zëdhënësit të Kishës Ortodokse Autoqefale të Shqipërisë ose vetë kryepeshkopit.
Më tej Meta ka shmangur edhe një përgjigje për heshtjen e kryepeshkopit vite më parë për skandalin e eshtrave në fshatin Kosinë. Sipas Presidentit duhet ndarë çështja e origjinës së kryepeshkopit nga çështja e besimit.
