Presidenti i zgjedhur dhe ish-kryetari i Lëvizjes Socialiste për Integrim, Ilir Meta ka paralajmëruar se shumë shpejt do të zbardhet e vërteta e zgjedhjeve.
Në një mesazh falënderues së bashku me Lefter Kokën për votuesit e kësaj force politike, Meta vë në dukje se LSI u është mirënjohës të gjithë atyre që ishin pjesë e procesit zgjedhor.
‘‘Mirënjohës të gjithë votuesve të Lëvizjes Socialiste për Integrim në Durrës dhe Shqipëri. Shumë shpejt do të zbardhet e vërteta e 25 qershorit. Votuesit heroikë të LSI shpëtuan demokracinë dhe të ardhmen e vendit. Ndaj jam krenar që kam punuar me ju’’, është shprehur Meta.
Lëvizja Socialiste për Integrim garoi në zgjedhjet e fundit parlamentare pretendoi të dalë forcë e parë politike, por mundi të marrë vetëm 19 mandate deputetësh, duke shënuar një rritje prej rreth 40 mijë votash nga zgjedhjet e kaluara.
