Presidenti i zgjedhur, Ilir Meta në mitingun që LSI mbajti në Tiranë hodhi akuza të forta ndaj kryeministrit Edi Rama dhe asaj që ai solli në Partinë Socialiste, “Rilindjen”. Ai e krahasoj Shqipërinë me Sierra Leonen për braktisjen e vendit.
“Ne nuk mund të jemi rrotë më rrotë me Sierra Leonen për braktisjen e vendit. Atje ka luftë dhe sëmundje shfarosëse. Po e kemi dhe në këtu një sëmundje shfarosëse që quhet “Rilidje”, Ebola jonë quhet “Rilindje”. Partia Socialiste ishte e para që u prek dhe u zhduk nga Ebola e Rilindjes”, tha Meta.
Gjithashtu, Meta tha se “Sondazhet e rilindjes janë të shtrenjta por do thahen si palmat në rrugën Tiranë-Durrës. LSI aq deputet sa mori në zgjedhjet e shkuara do ti marrë në Tiranë . Nuk duam që ky vend të braktiset. Forcë e parë, forcë e paparë. Kam një mesazh të fortë për Lefter Kokën. Lefter Koka unë e di që LSI e Durrësit është e paparë por mos bëj garë me Tiranën, të dalin 12 deputetë. Për sondazhet e rilindjes, dua tu them gjithë shqiptarëve, jo atyre 600 mijë që e kanë votuar prej kohës h të nxjerrin LSI forcë e parë, sondazhet e rilindjes janë si palmat e rilindjes. Janë të shtrenjta por janë të pashpresa siç janë tharë palmat e Rilindjes në autostradën Tiranë-Durrës. Aq mandate sa ç’mori LSI për para 4 vitesh, në 2013 kur ishte në koalicion me Rilindjen, aq mandate do t’i marrë vetëm në Tiranë më 25 qershor. Kryetari i Rilindjes erdhi me lugë në brez. Këto ua thotë një eurosocialist, një student i dhjetorit, që shkoi në PS kur të gjithë shkonin në PD, tek Berisha. KJo vetëm për të krijuar rininë eurosocialiste. Ne nuk do merremi me problemet e PS-së, por është detyra ime të jem i ndershëm me socialistët. As një udhëheqës i PS nuk është përplasur më fortë se unë me Berishën, kur të tjerët linin shtetin, dhe ia fusnin vrapit pyjeve të Maqedonisë, Ilir Meta i ka treguar vendin atij kur ka prekur institucionet. Për fat të keq të Ilir Metës, ia kam thënë dhe kryetarit të PS, ka qenë i pranishëm edhe Vasili, para se të miratohej reforma në drejtësi, për fatin tim të keq, unë kam qenë i detyruar që të bashkëpunoj me rilindasit, më seriozi ka qenë Sali Berisha. Kjo është fatkeqësi e madhe, pasi mbas 27 vitesh duhet të kishim shumë politikanë të tjerë se Ilir Meta dhe Berisha, e Edi Rama.”
