Rektori i Universitetit të Tiranës, Mynyr Koni ka reaguar në lidhje me vendimin e presidentit Meta për të mos dekretuar shkarkimin e tij.
Koni theksoi se pavarësisht kërkesës së Shahinit për shkarkimin nga detyra, është i hapur për bashkëpunim me ministrinë e Arsimit për të çuar përpara reformën në Arsimin e Lartë.
“Unë kam qenë i pezulluar për tre javë dhe sot pas dekretit të presidentit unë vazhdoj të ushtroj kompetencat e rektorit të Universitetit të Tiranës. Dekretin e presidentit dhe relacionin shpjegues të tij shpjegues e vlerësoj maksimale. Një qëndrim shtetari me përmasat e një politikani, i cili e ka treguar gjatë gjithë kohës së tij kuy mbrojti dhe siguroi autonominë institucionale dge garantoi lirinë akademike, të drejtat e fituara nga ana kushtetuese. Kështu që në emrin tim personal, të stafit akademik të studentëve të UT-së e vlerësoj maksimalisht. Nga ana tjetër e garantoj presidentin dhe gjithë strukturat e universitetet që do të punoj në përkushtueshmëri”, tha ai.
Pak javë më parë Koni u pezullua nga detyra nga ministrja Besa Shahini pas paralajmërimit nga kryeministri Edi Rama, i cili u shpreh gjatë një takimi me studentë dhe pedagogë në fillim të muajit Prill se rektori nuk ka mbajtur përgjegjësitë që i takojnë në raport me problemet e studentëve. Në vendin e tij, Shahini komandoi Bernard Dostin, që ishte zëvendës rektor.
