Presidenti i zgjedhur, Ilir Meta i ftuar në emision “Dritare”, tha se Rama kërkonte të bënte reformë në drejtësi ashtu si e ka bërë reformën në polici.
“Rama kërkonte të bënte reformë në drejtësi ashtu si e ka bërë me reformën në polici. LSI dhe Ilir Meta janë ata që kanë shpëtuar reformën në drejtësi nga kapja prej Edi Ramës. Kryeministri ka një problem të madh nga mendimi ndryshe”, tha Meta.
Gjithashtu, Meta foli dhe për sondazhet dhe tha se ato i di me kohë, “sondazhet e rilindjes e nxjerrin LSI-në me 17 deputetë kjo tregon se ne jemi forcë e parë.”
Ndërsa për punën e koalicioneve Meta tha se “Petrit Vasili dhe kryesia e LSI-së janë ata që vendosin për koalicionet pas zgjedhjeve të 25 qershorit.”
Kujtojmë se kryeministri Rama disa ditë më parë i kërkoj policëve që pas orarit të punës të bëjë fushatë dhe të mbledhin vota për Partinë Socialiste.
Rama kërkoi ndjesë publike të nesërmen dhe pranoi që ishte një gabim nga ana e tij.
