Kreu i Shtetit, Ilir Meta, ka reaguar pas ndarjes nga jeta të Maks Velos. Presidenti shprehet se kjo ikje e tij, lë pas një boshllëk të pazëvendësueshëm në shoqërinë shqiptare.
Me fjalë të zgjedhura, presidenti thotë se Maks Velo dhe zëri i tij kritik do t’i mungojë në veçanti mbrojtjes së interesit publik. Ndërsa e ka konsideruar këtë periudhë të brishtë nga ana institucionale dhe demokratike.
Statusi
Ndarja nga jeta e Maks Velos është një lajm i trishtueshëm. Si një prej figurave më novatore të artit shqiptar, simbol i antikonformizmit dhe lirisë së mendimit, piktor e arkitekt i shquar që luftonte pakompromis transformimet e shfrenuara urbane, intelektual aktiv që jetoi dy epoka duke provuar vuajtjet e burgjeve të diktaturës, shkrimtar e studiues i njohur, kjo ikje e Tij le pas një boshllëk të pazëvendësueshëm në shoqërinë shqiptare. Ngushëllime të afërmve, bashkëpunëtorëve, miqve e dashamirësve të shumtë! Maks Velo dhe zëri i Tij kritik do t’i mungojë në veçanti mbrojtjes së interesit publik në këtë periudhë të brishtë institucionale dhe demokratike.
