Për Presidentin e Republikës, Ilir Meta raporti për kultivimin e kanabisit në vend, nuk paraqet më asnjë surprizë.
Sipas tij, shtimi i kultivimit, me afrimin e zgjedhjeve, është kthyer tashmë në traditë.
Kreu i Shtetit shprehet se ky fenomen është një “koncension” për grupet kriminale u kërkohet nga ortakët në pushtet “kontrolli elektoral” i Qarqeve.
Ai kërkon që paratë e kanabisit, të mos deformohet vullneti e shqiptarëve në 25 prill të vitit të ardhshëm.
Ndër të tjera, Meta thotë se grupet kriminale dhe ortakët e tyre në pushtet janë të identifikuar.
Postimi i Metës në Facebook
Asnjë surprizë! Shtimi i kultivimit të kanabisit, me afrimin e zgjedhjeve, është kthyer tashmë në traditë.
Është një “koncension” për grupet kriminale, që në këmbim të përfitimeve kolosale nga kanabisi, u kërkohet nga ortakët në pushtet “kontrolli elektoral” i Qarqeve.
Që prej publikimit të raportit të fundit vjetor të Qendrës Europiane të Drogave, i kam bërë thirrje Policisë së Shtetit, Shërbimit Informativ Shtetëror, Prokurorisë dhe agjencive ligjzbatuese të përqëndrohen seriozisht në luftën kundër këtij fenomeni kanceroz, që aq shumë e ka dëmtuar shoqërinë tonë dhe imazhin ndërkombëtar të Shqipërisë.
Lufta kundër drogës është kusht për integrimin europian.
Askush të mos mendojë, lëre më të guxojë, që me paratë e kanabisit, të deformojë vullnetin e shqiptarëve në 25 prill 2021 dhe të pengojë të ardhmen europiane të shqiptarëve.
Grupet kriminale dhe ortakët e tyre në pushtet janë të identifikuar!
