Pas refuzimit të Sandër Lleshit nga ana e presidentit Meta, duket se Rama nuk do të ri nën hije, por do të vë në praktikë planin “B”. Duket se zgjedhja e Ramës, nuk do të ndryshojë. Sipas të gjitha gjasave, kryeministri nuk do të propozojë një kandidaturë të re, për të zëvendësuar Fatmir Xhafën, pas mosdekretimit të Lleshit si ministër.
Burime pranë maxhorancës kanë bërë të ditur për “Panorama” se Sandër Lleshi do të ketë emërimin si zv.ministër i Punëve të Brendshme, por me atribute për të drejtuar këtë dikaster shumë të rëndësishëm. Sandër Lleshi do të jetë drejtuesi i Ministrisë së Brendshme, por nga funksioni i zv.ministrit. Pra me emërim direkt nga kryeministri, por me rrogë më të ulët.
https://tiranatoday.com/meta-pritet-te-shkarkohet-pas-mosdekretimit-te-sander-lleshit/
