Pak para se të dilte në një komunikim për mediat , presidenti Ilir Meta është ndalur para ushtarit të Gardës së Republikës dhe e ka nderuar me një përshëndetje ushtarake. Momenti është kapur në Presidencë.
Mësohet se Meta i tha se: “Ti do jesh ushtari i dytë në mbrojtje të Republikës se ushtari i parë do jem unë”.
“Zgjidhja e vetme referendumi”, Meta “shpërthen” sërish ndaj ndërkombëtarëve
Ndërkohë, ditën e djeshme, zëdhënësi i kreut të shtetit, Tedi Blushi, si për t’i paraprirë këtij veprimi, deklaroi se Meta do të jetë ushtari i parë në mbrojtje të Kushtetutës.
“Sqarojmë për të gjithë shqiptarët se z.Meta, jo vetëm është plotësisht i ndërgjegjshëm për përgjegjësitë e Tij Kushtetuese, si Kryetar i Shtetit, si Komandant i Përgjithshëm i Forcave të Armatosura dhe Kryetar i Këshillit të Sigurisë Kombëtare, por mbi të gjitha ai ËSHTË DHE DO TË JETË NË RAST NEVOJE USHTARI I PARË NË MBROJTJE TË REPUBLIKËS DHE KUSHTETUTËS”.
