Presidenti i Republikës Ilir Meta i ka dhënë një tjetër mesazh politikës shqiptare, teksa kërkoi që etja për pushtet të mos çojë në abuzim, por jeta politike të jetë në shërbim të qytetarëve.
Këtë deklaratë Meta e bëri sot teksa mori pjesë në aktivitetin e organizuar nga Universiteti Katolik “Zoja e Këshillit të Mirë”, për të bashkëndarë Mesazhin e Papa Françeskut për Ditën Botërore të Paqes 2019: “Politika në shërbim të paqes”.
“Duhet të kërkojmë që politika dhe politikanët të jenë në shërbim të qytetarëve dhe jo anasjelltas, duke u kthyer në Zot”, tha ndër të tjera presidenti.
Fjala e plotë e Metës:
Mesazhi i jashtëzakonshëm, aktual. Nuk mund të ketë paqe pa dashurinë për familjen dhe njerëzit e afërt, s’mund të ketë paqe nëse nuk respektohen
Paqja ndërtohet me shumë mund të sakrifica. Mesazhi i Papës është shumë aktual dhe meriton të dëgjohet.
Shumë ngjarje të tjera duhet të bëjnë shumë vigjilentë që do dëmtonin paqen dhe do ndillnin urrejtjen duke keqpërdorur shtetin. Etja për pushtet të çon në abuzim, kur jeta politike nuk shihet si formë shërbimi politika mund të kthehet në një formë margjinalizimi. Duhet të kërkojmë që politika dhe politikanët të jenë në shërbim të qytetarëve dhe jo anasjelltas, duke u kthyer në Zot.
Shumica e heshtur e njerëzve të thjeshtë meritojnë më shumë vëmendje. Politika e mirë do nxiste të rinjtë të qëndrojnë në Shqipëri. Politika e mirë është një mision akoma i papërmbushur. Rëndësi për dialogun jo vetëm mes qeverisë dhe opozitës, por kudo edhe në familje. Vetëm kështu do të ketë më shumë paqe.
