Presidenti Meta ka mbështetur thirrjen e organizatës “Reporter pa Kufij”, të cilët i kanë bërë thirrje autoriteteve shqiptare që të hetojnë sulmet kibernetike ndaj disa mediave në vendin tonë.
“E përshëndes dhe e mbështes plotësisht qëndrimin e @RSF_en, në solidarizim me kolegët e pavarur dhe kurajozë shqiptarë. Bashkë për lirinë dhe pavarësinë e medias, për të thyer censurën!”, shkruan presidenti në Twitter.
E përshëndes dhe e mbështes plotësisht qëndrimin e @RSF_en, në solidarizim me kolegët e pavarur dhe kurajozë shqiptarë. Bashkë për lirinë dhe pavarësinë e medias, për të thyer censurën! ?? https://t.co/jy3DCBo45P
— Ilir Meta (@ilirmetazyrtar) January 29, 2022
“Reporterët pa Kufij”, një organizatë e njohur që mbron të drejtat e gazetarëve kudo në botë, ka bërë një reagim në Twitter. “RSF” shkruan se mediat u vunë në shënjestër pas një publikimi audio komprometues, që zbulon përpjekjet e kryebashkiakut të Tiranës Erion Veliaj për të ndikuar në zgjedhjet e FSHF.
“Në Shqipëri, disa media janë vënë në shënjestër të sulmeve kibernetike gjatë 2 ditëve të fundit, pas publikimit të një audio kompromentuese që zbulon përpjekjen e kryebashkiakut të Tiranës, Erion Veliaj për të ndikuar në zgjedhjet FSHF. “Reporterët pa kufij” bëjnë thirrje për një hetim për ndërhyrje të mundshme politike”, thuhet në reagim.
