Meta: Ilaçet anti-covid të blihen nga shteti dhe t’u jepen falas qytetarëve

Presidenti i Republikës, Ilir Meta ka ngritur sërish shqetësimin në lidhje me situatën e pandemisë Covid-19 në vend.

Kreu i shtetit i ka bërë thirrje qeverisë që të blejë ilaçet kundër sëmundjes vdekjeprurëse, dhe t’ua jap falas qytetarëve.

Ndër të tjera, Meta kërkon shtimin e testimeve dhe vaksinimin e plotë të popullsisë.

“Ilaçet antiCOVID të blihen nga shteti dhe t’u jepen falas qytetarëve.Është emergjente ndryshimi rrënjësor i strategjisë antiCOVID. Masat dhe kufizimet aktuale nuk po sjellin asnjë rezultat. Të shtohen testimet, të përmirësohen kushtet në spitale, të blihen pajisje reanimatore jetëshpëtuese. Qytetarët të vaksinohen masivisht. I papranueshëm “diferencimi klasor”, shkruan Meta në rrjetin social, Facebook.