Ditën e sotme ndërroi jetë profesori dhe mjeku i njohur Panajot Boga.
Në një postim në Facebook, Presidenti Ilir Meta shkruan se me shumë trishtim mori lajmin për ndarjen nga jeta të profesorit të nderuar.
Kreu i Shtetit i shpreh ngushëllime familjes Boga, të afërmve, bashkëpunëtorëve dhe të gjithë komunitetit të mjekëve.
Postimi i plotë: “Me shumë trishtim mora lajmin për ndarjen nga jeta të Profesorit të nderuar dhe mjekut të shquar të Ortopedisë shqiptare, Panajot Boga.
Mjekësia shqiptare humbi mjekun novator e të palodhur, por edhe drejtuesin energjik dhe aplikuesin vizionar të shkencës progresive në fushën e Ortopedisë, i cili la pas një trashëgimi të vyer e model frymëzimi për brezat e rinj të mjekëve.
Ngushëllime të sinqerta familjes së dashur Boga, të afërmve, bashkëpunëtorëve dhe të gjithë komunitetit të mjekëve.
I përjetshëm kujtimi i Profesor Bogës!”
