Presidenti Meta, nesër do të publikojë qëndrimin e tij për draftin e Venecias. Tre ditë më parë, zëdhënësi i presidentit të Republikës, Ilir Meta, njoftoi se brenda javës, institucioni i kreut të shtetit do të publikonte raportin mbi draft opinionin e Komisionit të Venecias, lidhur me kushtetuetshmërinë e vendimit të tij për anulimin dhe shtyrjen e zgjedhjeve vendore.
Ai nënvizonte ndër të tjera se nuk ka pasur asnjë shkelje të Kushtetutës nga Meta, dhe se vendimi i tij për të shtyrë zgjedhjet është mbështetur në vendimin e Gjykatës së Strasburgut.
Nesër do bëhet publik qëndrimi i Presidencës, dhe po kështu do të bëhen publike edhe pyetjet e Presidentit për Komisionin e Venecias per shterimin perfundimtar të kësaj çështje.
Sipas raportit të publikuar nga Venecia pak ditë më parë, vlerësohet se presidenti Ilir Meta ka vepruar në tejkalim të kompetencave të veta kushtetuese, ndërsa vendosi të anullojë 30 qershorin si datë të zgjedhjeve vendore. Në draft opinionin e tij, Komisioni vërente se sipas tij, nuk janë kushtet për të vërtetuar një shkelje serioze që do të çonte në shkarkimin e tij.
