Presidenti Ilir Meta i ka kthyer sërish sot një përgjigje kryeministrit Rama pas përplasjes Presidencë-Kryeministri për refuzimin e dekretimit të Gent Cakajt si ministër i Jashtëm.
Meta i përgjigjet kryeministrit, teksa thotë se në një moment të rëndësishëm të sfidave rajonale, Ministria për Europën dhe Punët e Jashtme e Shqipërisë nuk mund të kthehet në autoshkollë. Presidenti ka përdorur edhe ironinë, teksa shkruan se ustai i madh, referuar Ramës, kërkon të mësojë “gjeniun” (Cakajn) si të ndryshojë kufijtë e Ballkanit Perëndimor.
Mbrëmë, në emisionin Zonë e Lirë, Rama akuzoi Metën se po përdor zyrën e tij për të sulmuar qeverinë dhe se po sillet si kryetar i LSI-së, duke shkelur Kushtetutën.
Reagimi i plotë i Metës:
Sot, në momente të rëndësishme të sfidave tona rajonale, Ministria për Europën dhe Punët e Jashtme e Shqipërisë nuk mund të kthehet në autoshkollë ? ku ustai i madh kërkon të mësojë “gjeniun” si të ndryshojë kufijtë e të gjithë Ballkanit Perëndimor.
Partia Socialiste ka kapacitete të jashtezakonshme në fushën e politikës së jashtme dhe Shqipëria ka shumë diplomatë të sprovuar, të cilët mund të vendosen në drejtimin e politikës sonë të jashtme, pa kaluar nga autoshkolla ? e ndryshimit të kufijve në gjithë Ballkanin Perëndimor.
Shqipëria?? do jetë gjithmonë faktor paqe e stabiliteti në rajon.
Shqipëria?? do ketë një lidership të besueshëm edhe në kryesimin e OSBE-së.
SHQIPËRIA E PARA.??
