Në konferencën e përbashkët për shtyp me homologen kroate, Kolinda Grabar-Kitarović, Presidenti Ilir Meta i është përgjigjur interesit të mediave për reformën në drejtësi dhe paktin detar me Greqinë.
Është një reformë shumë e thellë, madhore dhe shumë komplekse. Shpreh mbështetjen për ecurinë e kësaj reformë. Ju siguroj që unë përmbush detyrimet kushtetuese e ligjore që kam si President për cështje e drejtësisë dhe po kështu sikurse kam bërë në të kaluarën, dua të thkesoj rëndësinë e bashkëpunimit midis qeverisë dhe opozitës për të terjkaluar cdo moment të vëeshtirë apo të paparashikuar i cili mund të vërë në vështirësi krijimin e institucioneve të reja, në mënyrë që këto të fundit të marrin kontrollin sa më shpejt, Presidenti Meta flet për reformën në drejtësi dhe paktin me Greqinë”-tha Meta.
Presidenti është pyetur në konferencën për shtyp me homologen kroate, edhe për çështjen e paktit detar me Greqinë. Meta është shprehur se si President i vendit ka vijuar të angazhohet për të çuar përpara bisedimet dhe arritjen e marrëveshjes.
“Dëshiroj të theksoj angazhimin tim të plotë në respekt të Kushtetutës dhe frymës konstruktive që është e rëndësishme të mbizotërojë me fqinjët… dhe është gjithashtu e rëndësishme që të kuptojmë se ky është një proces që duhet të bazohet në barazinë e palëve në raport me të drejtën ndërkombëtare dhe së dyti në respekt të Kushtetutës e të ligjit. Ju siguroj që do të bëj gjithçka për të përmbushur detyrimet e mia në mënyrën më konstruktive, por duke respektuar kushtetutën.”-tha Meta.
