Kreu i PDIU-së, Shpëtim Idrizi ka zhvilluar një takim me Metën dhe kreun e LSI-së, Petrit Vasili.
Mësohet se takimi surprizë është zhvilluar në selinë e LSI-së, ku kanë biseduar për zgjedhjet, të cilat do të zhvillohen më 25 qershor.
Idrizi është larguar pas rreth 30 minutash i pari nga selia e LSI-së, ndërsa nuk dihet nëse është arritur një marrëveshje mes tyre.
Pas takimit, Ilir Meta ka thirrur një konferencë urgjente shtypi këtë paradite, ndërsa priten deklarata të forta teksa jemi në një situatë të tensionuar politike, sidomos mes LSI-së dhe PS-së.
Dy forcat aleate të PS-së në qeverisje, PDIU dhe LSI kanë qenë më të sulmuarat në këtë fushatë nga kryeministri Rama, por edhe nga kryedemokrati Basha.
