Sfida mes Ronaldos dhe Messit nuk do të ketë asnjëherë fund, pavarësisht se tashmë luajnë në kampionate të ndryshme dhe sfida e tyre nuk është direkte. Në Champions është Lionel Messi i fituari deri tani, pasi e nisi me një tregolësh ndaj PSV-së, ndërsa portugezi u ndëshkua me karton të kuq në minutën e 29’ ndaj Valencias.
Por sfida e drejtpërdrejtë vazhdon edhe jashtë fushës. Kështu, nëse CR7 ka bërë gjithë botën të flasë pas zgjedhjes për të mos marrë pjesë në ceremoninë e hedhjes së shortit të fazës me grupe të Champions League, në shenjë proteste për zgjedhjen e Luka Modric si lojtarin më të mirë të edicionit të kaluar, tani ka ardhur përgjigjja e Messi-t, i cili do të jetë i pranishëm të hënën në mbrëmje për ceremoninë ku do të jepet çmimi “FIFA Best Player”, për të cilin Leo nuk ka qenë as mes finalistëve.
Në garë për titullin do të jetë e njëjta treshe finalistësh si për UEFA-n, Modric, Ronaldo dhe Salah. Messi është përjashtuar nga formacioni i vitit, por kundërpërgjigjja indirekte ndaj rivalet duket se është e qartë.
