Lionel Messi i dha fund beqarisë dhe lidhi kurorë me Antonella Roccuzzonin. Dasma e yllit të Barcelonës ishte e përsosur, përgatitjet e saj kishin nisur prej muajsh.
Messi dhe gruaja e tij u shfaqën të lumtur gjatë ceremonisë madhështore, e cila u mbajt në Argjentinë, ndërsa nuk i kursen puthjet para të pranishmëve. Shumë yje të futbollit ishin pjesë e të ftuarve në dasmë, duke e bërë këtë ceremoni akoma më të rëndësishme dhe të bukur. Bashkëlojtar dhe ish-bashkëlojtar të Lionel Messit udhëtuan në Argjentinë. Në mesin e pjesëmarrësve ishin edhe Samuel Eto’o, Ezequiel Lavezzi, Carles Puyol, Xavi Hernandez, Angel Di Maria e të tjerë.
Surprizuese ishte kërkesa që Messi kishte për të ftuarit, ku në llogarinë e tij zyrtare në Tëitter, publikoi një status duke u kërkuar të gjithë të ftuarave që ‘dhuratën’ e dasmës ta dhurojnë pranë fondacionit të tij “Leo Messi’, i cili u vjen në ndihmë fëmijëve në nevojë.
