Presidenti i Republikës, Ilir Meta, thirri në një bashkëbisedim online përfaqësues të Qeverisë, rektorë dhe profesorë të Universiteteve Publike në vend.
Meta kërkoi që studentëve t’u garantohet zhvillimi i praktivave mësimore e laboratorike, si dhe t’u krijohen të gjitha kushtet për të patur akses të plotë në internet.
Kreu i Shtetit mirëpriti vendimin e Ministrisë së Arsimit për të dhënë provimet në auditore dhe për të zgjatur sezonin.
Postimi i Presidentit Meta në rrjetin social, Facebook
I njohur, nga takimet e mia periodike me studentët, me vështirësitë dhe problemet e shumta, që hasin gjatë procesit mësimor në kushtet e pandemisë, thirra në një bashkëbisedim online përfaqësues të Qeverisë, rektorë dhe profesorë të Universiteteve Publike në vend.
Është tepër e rëndësishme, t’u garantohet studentëve zhvillimi i praktivave mësimore dhe laboratorike, të shtohen investimet e domosdoshme në teknologji e pajisje dhe t’u krijohen të gjitha kushtet për të patur akses të plotë në internet, me tarifa të ulta, gjatë kësaj periudhe të vështirë.
I mirëpritur vendimi për të pranuar kërkesën e studentëve dhe rektorëve për të dhënë provimet në auditore dhe për të zgjatur sezonin e provimeve.
