Mesfushori shqiptar, Astrit Ajdareviç, ishte një ndër risitë e trajnerit të kombëtares kuqezi, Christian Panucci. Ai aktivizohet tek skuadra greke e AEK-ut, por së fundmi duket se është në një situatë aspak të këndshme. 28-vjeçari, i cili ka qenë i grumbulluar në vitin 2017 me kuqezinjtë, ka pasur një zënkë me presidentin e ekipit grep, Dimitris Melisanidis.
Vetë numri një i klubit, e ka kritikuar Ajdareviç për formën e tij të dobët, duke e nxjerrë edhe nga dhomat e zhveshjeve, duke mos e lejuar kështu të jetë pjesë e ekipit të parë. Palët tani po mendojnë mbylljen e kontratës, dhe Ajdareviç me siguri nga janari do të jetë pjesë e një klubi të ri.
