Mesfushori shqiptar më i kërkuari në Serie A, e duan 6 ekipe

Përparim Hetemaj është kthyer në një ndër lojtarët më të kërkuar në Serie A, pasi aktualisht për mesfushorin janë 6 skuadra që kanë treguar interes. Mesfushori shqiptar ka kaluar një sezon mjaft të mirë tek Chievo dhe duket se këto do te jenë ditët e tij të fundit me klubin e kaltër.Kontrata e tij skadon më 30 qershor dhe ende nuk ka pranuar rinovimin edhe pse Chievo i ka ofruar kontratë të re tre vjeçare. 31-vjeçari e ka të vështirë të vendos për të ardhmen e tij pasi ka shumë oferta. Parma dhe Spal janë dy skuadrat më të interesuara për drenicasin.Por së fundmi fuqishëm në garë janë futur edhe Torino, Atalanta, Genoa dhe Udinese. Hetemaj pritet që të vendos për skuadrën e tij të re brenda muajit qershor. Këtë edicion në Serie A, Hetemaj është aktivizuar në 32 ndeshje ku ka shënuar tre gola dhe ka bërë pesë asistime. Hetemaj është pjesë e Chievos që nga edicioni 2011-12. Ai më parë ka luajtur edhe për skuadra tjera sk Helsinki, Twente, AEK dhe Brescia.