Emanuele Ndoj ka qenë protagonist mbrëmjen e sotme, në Serinë B italiane. Mesfushori i Kombëtares Shqiptare, shënoi në minutën e 78-të, një super gol me të djathtën nga hyrja e zonës.
Në transfertë ndaj Padovës, ishin vendasit që po udhëhiqnin minimalisht me një gol të shënuar në minutën e 57-të. Por, ishte Ndoj që ia doli të barazonte me një gol mjaft të bukur në minutën e 78-të, duke i dhënë kështu edhe një pikë Breshias, që mbetet në vendin e parë, me 47 pikë, një kandidate potenciale për t’u ngjitur.
