Imzot George Frendo, në vigjilje të festës së Pashkëve Katolike ka një mesazh për politikën shqiptare dhe përfaqësuesit e saj.
George Frendo u shpreh se nuk mund të heshtë përballë kësaj situate, ndërsa theksoi se politikanët duhet të angazhohen për një zgjidhje të drejtë, pasi sipas tij “nuk duam ‘vetëvrasjen’ e kombit”.
“Nuk mund të hesht përballë kësaj situate. Politikanët të angazhohen për zgjidhje të drejtë. Ne nuk duam ‘vetëvrasjen’ e kombit. Urimi i Krishtit është ‘Paqja me ju’. Krishti thotë, ‘Falni ashtu si unë kam falur’. Përfaqësuesit e popullit duhet të jenë shembull”, tha ndër të tjera imzot Frendo.
