Masat ajrore të ftohta dhe të thata me origjinë verilindore, do të vijojnë ndikimin e tyre në të gjithë territorin, duke bërë që moti të jetë i kthjellët por i ftohtë.
Pasditja mbetet në të njëjtat kushte atmosferike, ku kthjellimet dhe vranësirat e lehta do të dominojnë.
Sipas Meteoalb, era do të fryjë mesatare me shpejtësi 35 km/h nga drejtimi Lindor-Verilindor, duke krijuar në det dallgëzim 3 ballë.
Temperaturat e ajrit do të rriten lehtë në mëngjes dhe mesditë, duke luhatur vlerat ekstremale nga -6 në 14 gradë.
